На Шаганарскай ЦЭЦ у расійскай Тыве адбыўся выбух. 18 чалавек шпіталізаваныя
У кацельні электрастанцыі пачаўся пажар, які прывёў да выбуху. Што стала прычынай узгарання, не паведамляецца.
06.03.2024 / 08:24
На Шаганарскай ЦЭЦ у расійскай Тыве (поўдзень Сібіры) адбыўся выбух.
Baza піша, што ў выніку пацярпелі больш за 20 чалавек. Яшчэ некалькі могуць знаходзіцца пад заваламі.
«112» паведаміў, што выбух адбыўся ў памяшканні падачы паліва. Разбурана стужка для падачы вугалю і адна са сцен будынка.
Кіраўнік Тывы Уладзіслаў Хавалыг паведаміў, што пажар на ЦЭЦ быў лакалізаваны. У выніку здарэння, заявіў Хавалыг, 18 чалавек былі шпіталізаваныя. Шасцёра з іх — у цяжкім стане, дзевяць чалавек — у стане сярэдняй цяжкасці. Усяго на змену на ЦЭЦ выйшаў 21 чалавек, пошукі траіх працягваюцца, дадаў кіраўнік рэгіёна.
Следчы камітэт Расіі завёў крымінальную справу па артыкуле аб нядбайнасці.
Чытайце таксама:
У сталіцы Кыргызстана ўзарвалася адзіная ЦЭЦ. У горадзе няма святла і гарачай вады
Завод Tesla пад Берлінам спыніў сваю працу з-за пажару — экаактывістаў падазраюць у падпале