У Расіі вырашылі праверыць датычнасць заходніх спецслужбаў да смерці Сталіна
Камуністычная партыя «Камуністы Расіі» звярнулася ў ФСБ і Генеральную пракуратуру РФ з просьбай праверыць магчымае дачыненне заходніх спецслужбаў да смерці Іосіфа Сталіна, паведаміў РИА Новости старшыня партыі Сяргей Малінковіч.
05.03.2024 / 09:15
Сталін. Фота: Дзмітрый Чарноў / РИА Новости
«У 71-ю гадавіну з дня смерці І. В. Сталіна партыя звярнулася ў Генеральную пракуратуру РФ і ФСБ з просьбай праверыць магчымую датычнасць заходніх спецслужбаў да смерці Іосіфа Вісарыёнавіча Сталіна, бо вельмі шматлікія сведчанні сучаснікаў Сталіна кажуць аб магчымым атручванні правадыра савецкіх народаў агентамі ўплыву захаду», — сказаў ён.
Іосіф Сталін — кіраўнік СССР і адзін з самых крывавых дыктатараў у гісторыі — памёр 5 сакавіка 1953 года.
Чытайце таксама:
Курапаты: на сёння вядома амаль усё