Baškan Hahauzii pryjechała z rabočym vizitam u Maskvu
Jaŭhieniju Hucuł ličać palitykam prarasijskaj aryjentacyi.
01.03.2024 / 14:30
Staršynia Savieta Fiederacyi Valancina Maćvijenka na sustrečy ź Jaŭhienijaj Hucuł
Kiraŭniki Hahauzskaj aŭtanomii Małdovy (rehijon na poŭdni Małdovy), uklučajučy kiraŭnika rehijona Jaŭhieniju Hucuł, pryjechali ŭ Maskvu z rabočym vizitam, pieradaje RBK sa spasyłkaj na pres-słužbu vykankama aŭtanomii.
«Baškan (kiraŭnik) Hahauzii Jaŭhienija Hucuł razam sa staršynioj Narodnaha schodu Hahauzii Dźmitryjem Kanstancinavym znachodziacca z rabočym vizitam u Maskvie», — paviedamili ŭ pres-słužbie.
Hucuł ličać palitykam prarasijskaj aryjentacyi. U traŭni 2023 hoda jana pieramahła na vybarach kiraŭnika rehijonu jak kandydat ad partyi «Šor», jakaja ciapier zabaronienaja ŭ Małdovie. Kišynioŭ vyniki vybaraŭ nie pryznaŭ, adnak Apielacyjnaja pałata Kamrata (stalica Hahauzii) zaćvierdziła pieramohu Hucuł.
U kancy lutaha źjezd deputataŭ usich uzroŭniaŭ niepryznanaj Prydniastroŭskaj Małdaŭskaj Respubliki (PMR) pryniaŭ rezalucyju z prośbaj ab dapamozie da rasijskich Savieta Fiederacyi i Dziarždumy i pryniaćci mier u suviazi z «ekanamičnaj błakadaj» z boku Kišyniova.
Paźniej kiraŭnik MZS Prydniastroŭja Vital Ihnaćjeŭ udakładniŭ, što Ciraspal pierš za ŭsio čakaje ad Maskvy dypłamatyčnaj padtrymki. U Biuro pa reintehracyi ŭrada Małdovy nazvali rašeńnie ŭładaŭ Respubliki prapahandysckim.
Čytajcie taksama:
Zjezd deputataŭ Prydniastroŭja źviarnuŭsia da Rasii pa dapamohu