У Маскве рытуальныя службы адмаўляюцца перавозіць цела Навальнага
Супрацоўнікі службаў рытуальных паслуг адмаўляюцца везці цела апазіцыйнага палітыка Аляксея Навальнага ў царкву для адпявання праз званкі невядомых з пагрозамі, паведаміла прэс-сакратарка Навальнага Кіра Ярмыш.
29.02.2024 / 19:09
Расійскія сілавікі ўжо дзяжураць пры ўваходзе на Барысаўскія могілкі. Фота: AP Photo
«Спачатку нам не далі зняць пахавальную залу для развітання з Аляксеем. Цяпер, калі павінна адбыцца проста адпяванне ў царкве, рытуальныя агенты паведамляюць нам, што ніводзін катафалк не згаджаецца везці туды цела. Усім брыгадам тэлефануюць невядомыя людзі і пагражаюць, каб цела Аляксея яны нікуды не везлі», — напісала яна ў сацсетцы X.
Навальнага збіраюцца пахаваць на Барысаўскіх могілках у Маскве 1 сакавіка. Адпяванне палітыка павінна прайсці ў царкве іконы Божай Маці «Спатоль мой смутак» у маскоўскім раёне Мар'іна ў 14:00.
Чытайце таксама:
У Гродне мужчына прынёс кветкі і фота Навальнага да консульства Расіі. Яго судзілі