Siłaviki razhramili kvateru psichołaha Ały Marcinovič
U kanale siłavikoŭ źjaviłasia videa ŭzłomu kvatery Ały Marcinovič, a taksama fota razhromlenych pakojaŭ.
28.02.2024 / 10:18
Marcinovič — praktykujučy psichołah z 20-hadovym stažam, aktyŭny ŭdzielnik pratestaŭ. Jašče ŭ 2021-m u jaje doma i na pracy adbylisia pieratrusy, jana adbyła 15 sutak u izalatary časovaha ŭtrymańnia. Pa skančeńni administracyjnaha aryštu Ału Marcinovič zvolnili ź Instytuta pavyšeńnia kvalifikacyi. Z-za pieraśledu vymušana była ŭ vieraśni 2022 hoda pierajechać va Ukrainu.
Miesiac tamu ŭłady pryznali ekstremisckim farmavańniem prajekt «ŁUKAvica». Dačynieńnie da jaho, pavodle MUS, maje Ała Marcinovič.
Raniej HUBAZiK publikavaŭ videa, na jakich chvaliŭsia, jak razhramiŭ kvatery redaktarki «Karatielej Biełarusi» i jutub-kanała «Dzikaje palavańnie» Janiny Sazanovič, Vadzima Prakopjeva, błohiera Andreja Pavuka, pradstaŭnicy kibierpartyzanaŭ Juljany Šamietaviec, pres-sakratarki Pałka Kalinoŭskaha Kryściny «Čabor», a taksama maci zahinułaha kalinoŭca Paŭła «Vołata».
Čytajcie taksama:
U Hrodnie zatrymali vuličnaha muzykanta, jaki śpiavaŭ «Mury»