BTA Bank u Biełarusi chutka źmienić uładalnika
Biełaruski BTA Bank moža być pradadzieny da kanca lutaha. Pra heta kazachstanskim ŚMI zajaviŭ ciapierašni ŭłaśnik banka Kienies Rakišaŭ, jaki zajmaje 20-je miesca ŭ śpisie «50 samych upłyvovych biznesoŭcaŭ Kazachstana-2023» časopisa Forbes, piša Office Life.
26.02.2024 / 16:32
Fota: Office Life
«My na kančatkovaj linii pieramoŭ z patencyjnym pakupnikom. Jon užo atrymaŭ dazvoł Nacyjanalnaha banka Biełarusi. My padpisali ŭsie papiarednija dakumienty. Zastalisia jašče dadatkovyja dazvolnyja dakumienty ad antymanapolnaha kamiteta Biełarusi. Usio ŭ ramkach zakona», — skazaŭ Kienies Rakišaŭ.
Pavodle jahonych słoŭ, ździełka moža być zakrytaja da kanca lutaha. Kienies Rakišaŭ admoviŭsia raskryvać imia pakupnika i sumu ŭhody, spasyłajučysia na pryvatnaść.
Razmovy pra žadańnie kazachstanskaha ŭładalnika pradać bank iduć užo davoli daŭno. Pra toje, što Rakišaŭ płanuje pradać bank u Biełarusi, jon raskazvaŭ jašče ŭ listapadzie 2020 hoda. Pavodle jaho słoŭ, ździełka mahła adbycca ŭ 2021 hodzie, kali b «situacyja ŭ Biełarusi stabilizavałasia». Tady jon rastłumačyŭ, što ŭ stratehii kampanii pradać usie «dočki» BTA Banka ŭ Biełarusi, Ukrainie i Kyrhyzstanie.
Cikava, što z 31 studzienia 2024 hoda staršynioj savieta dyrektaraŭ BTA Bank u Biełarusi abrany Sułtan Marenaŭ. Jon z 2005 pa 2015 hod byŭ staršynioj praŭleńnia hetaha banka.
Čytajcie taksama:
Pryncypovy biełarus sudziŭsia z bankam za pierapłatu 6 rubloŭ 91 kapiejki
U QIWI Banka adklikali licenziju ŭ Rasii. Ci budzie pracavać servis płaciažoŭ u Biełarusi
Eks-kiraŭnika homielskaha Bielinviestbanka sudziać pa troch artykułach. Dva ź ich niečakanyja