U lesie pad Viciebskam znajšli kinutych miedźviedzianiataŭ
Uviečary 20 lutaha ŭ lesie kala vioski Truščy Viciebskaha rajona znajšli biarłoh z dvuma miedźviedzianiatami.
25.02.2024 / 15:58
Jak pišuć «Vićbičy», na nastupny dzień na miesca vyjechali supracoŭniki inśpiekcyi pryrodnych resursaŭ i achovy navakolnaha asiarodździa, Viciebskaj rajonnaj struktury tavarystva palaŭničych i rybałovaŭ, vieterynary i laśničyja.
Kali kamisija prybyła na miesca, to znajšła dvuch miedźviedzianiataŭ (brata i «siastru), jakija kala troch sutak znachodzilisia adny.
Śviežych śladoŭ, jakija paćviardžali, što miadźviedzica viartałasia da bierłohi, nie było.
Śpiecyjalisty pryniali rašeńnie pieradać žyvioł u Viciebski zaapark. Im akazali ŭsiu nieabchodnuju dapamohu.
Čytajcie taksama:
U Hrodzienskim zaaparku pračnulisia miadźviedzianiaty. Jany takija śmiešnyja VIDEA
Pahladzicie, jaki tort padaryli miedźviedzianiatam u Hrodzienskim zaaparku
Dva hady tamu ŭ Biełarusi vyratavali miedźviedziania, što zastałosia biez mamy. Što ź im ciapier?