Na pasiadžeńni PA ABSIE pradstaŭniki Łukašenki nie stali słuchać Cichanoŭskuju
Na siesii Parłamienckaj asamblei ABSIE, jakaja hetymi dniami prachodzić u Vienie, biaruć udzieł dźvie delehacyi ad Biełarusi — ad režymu Łukašenki na čale z deputatam Pałaty pradstaŭnikoŭ Andrejem Savinych i ad demakratyčnych siłaŭ na čale sa Śviatłanaj Cichanoŭskaj.
22.02.2024 / 20:46
Śviatłana Cichanoŭskaja
Jak užo tradycyjna skłałasia, pradstaŭniki Łukašenki padčas vystupleńnia Cichanoŭskaj zrabili demarš i pakinuli zału tady, kali joj dali słova. Pry hetym Savinych arhumientavaŭ heta tym, što «zaprošanaja asoba, jakaja znachodzicca pad śledstvam».
Andrej Savinych i inšyja členy delehacyi ź Minska pakidajuć zału
Śviatłana Cichanoŭskaja ŭ svaim vystupleńni raskazała pra situacyju z palitviaźniami, pra adsutnaść vybaraŭ i niepryznańnie «biazvybaraŭ» 25 lutaha, zaklikała nie pryznavać novapryznačany «parłamient» i nie zaprašać čalcoŭ hetaha nielehitymnaha ŭtvareńnia na siesii PA ABSIE. Taksama jana zaklikała da rašučaści i niestandartnych rašeńniaŭ.
Andreju Savinych słova taksama dali, jon jak zvyčajna ŭ takich vypadkach havaryŭ pra nieabchodnaść pieramoŭ dla «adnaŭleńnia miechanizmaŭ biaśpieki ŭ Jeŭropie» i pra «dobrasusiedstva Biełarusi».
Čytajcie taksama:
Kamanda Cichanoŭskaj kreatyŭna raić, jak pravieści dzień vybaraŭ
Pavieł Usaŭ: Nikoli nie krytykavaŭ Cichanoŭskuju, bo jana taho nie vartaja
«Ja bajałasia i saromiełasia». Cichanoŭskaja pryhadała, jak pačynaŭsia jaje šlach da biełaruskaści