Maci Navalnaha pakazali cieła syna, ale vydavać admaŭlajucca
Ludmiła Navalnaja, maci zahinułaha ŭ turmie rasijskaha palityka Alaksieja Navalnaha, raskazała, što ŭčora jaje tajemna advieźli ŭ morh, dzie pakazali cieła syna.
22.02.2024 / 19:08
Ludmiła Navalnaja. Skrynšot ź videa
«Śledčyja śćviardžajuć, što im viadomyja pryčyny śmierci. U ich hatovyja ŭsie miedycynskija i jurydyčnyja dakumienty, jakija ja bačyła. Miedycynskaje paśviedčańnie ab śmierci ja padpisvała», — paviedamiła Ludmiła Navalnaja.
Žančyna padkreśliła, što pa zakonie joj pavinny byli adrazu addać cieła syna, ale śledčyja i kryminalisty hetaha nie zrabili.
«Zamiest hetaha jany šantažujuć mianie, staviać mnie ŭmovy, dzie, kali i jak pavinien być pachavany Alaksiej», — śćviardžaje maci zahinułaha palityka.
«Jany chočuć pryvieźci mianie na ŭskrainu mohiłak, da śviežaj mahiły i skazać: voś tut lažyć vaš syn. Ja na heta nie zhodna», — kaža Navalnaja.
Ludmiła Navalnaja patrabuje addać joj cieła.
Čytajcie taksama:
Zianon Paźniak — pra Juliju Navalnuju: Kucharka-2, u manierach madam piščyć FSB
Stołtenbierh: Śmierć Navalnaha — padstava pavialičyć dapamohu Kijevu