Čyhunačnyja pieravozki pamiž Biełaruśsiu i Polščaj źnizilisia bolš čym udvaja
U vyniku sankcyjnych abmiežavańniaŭ hruzavyja čyhunačnyja pieravozki pamiž Biełaruśsiu i Polščaj u apošnija dva hady značna źnizilisia. U Padlaskim vajavodstvie, dzie dziejničajuć dva čyhunačnyja pierachody, polski bok fiksuje bolš čym dvuchrazovaje padzieńnie. Heta vynikaje sa statystyki, jakuju pryvodzić vydańnie Rynek kolejowy, piša Most.
22.02.2024 / 16:42
Fota ilustracyjnaje
Na stancyi «Kuźnica Biełastockaja» ŭ 2021 hodzie absłužyli amal 3,2 tys. hruzavych ciahnikoŭ, u 2022-m — kala 2,6 tys., a ŭ 2023 hodzie — tolki 1,2 tys., paviedamiŭ pres-sakratar pieravozčyka PKP Karal Jakuboŭski.
Praź inšy pamiežny pierachod, u Siemianoŭcy, u 2021 hodzie adpravili bolš za 3,9 tys. składaŭ, hodam paźniej — 2,6 tys., a ŭ 2023 hodzie ich kolkaść skaraciłasia da 1,7 tys.
Na hałoŭnym pamiežnym pierachodzie «Ciarespal-Brest» u 2022 hodzie abarot źniziŭsia na 60% u paraŭnańni z 2021 hodam. Pakazčyk za 2023 hod nie pryvodzicca.
Što tyčycca pasažyrskich ciahnikoŭ, to jany spynienyja pamiž Biełaruśsiu i Polščaj ź viasny 2020 hoda i z taho času nie adnaŭlalisia.
Čytajcie taksama:
U Baden-Badenie pjany biełarus lažaŭ na čyhunačnych rejkach — mašynist zabraŭ jaho ŭ pojezd
Ramont, zapčastki i kadry. Jakija prablemy čyhunki zamoŭčvajuć čynoŭniki