Na błohiera Alesia Sabaleŭskaha zaviali kryminalnuju spravu za supracoŭnictva z 6TV Bielarus
U čaćvier 22 lutaha kanał siłavikoŭ apublikavaŭ videa z Alesiem Sabaleŭskim. Na videa jaho prymusili skazać, što z 2017 hoda jon «zjaŭlaŭsia ŭdzielnikam ekstremisckaha farmiravańnia 6tv.by», a «dziejnaść abjadnańnia zaklučałasia ŭ destabilizacyi hramadskaha ładu».
22.02.2024 / 13:38
Pa słovach Sabaleŭskaha, jon vioŭ dla vydańnia strymy i repartažy z akcyj pratestu.
Alesia Sabaleŭskaha zatrymali 12 śniežnia 2023 hoda i asudzili na 10 sutak. Što stała padstavaj — nieviadoma. Paśla sutak błohier nie vyjšaŭ na volu, jaho pieraviali ŭ śledčy izalatar turmy №4 ŭ Mahilovie.
5 śniežnia 6TV Bielarus byŭ pryznany «ekstremisckim farmavańniem».
Taksama siłaviki apublikavali siońnia videa z mahiloŭskim fatohrafam Siarhiejem Barysavym, jaki supracoŭničaŭ z 6TV Bielarus. Na videa jaho pakazvali na ździeklivym fonie zastaŭki prahramy «Davaj paženimsia». Jon paprasiŭ prabačeńnia za intervju «ekstremisckamu» miedyja. Aŭtary kanała napisali, što «paśla afarmleńnia pracesualnych dziejańniaŭ aktyvist zastaŭsia na voli». Ci tak heta, nieviadoma.
Čytajcie taksama:
Niekudy źnik pieršy namieśnik staršyni Bresckaha abłvykankama. Mahčyma, jaho zatrymali
U krainach Bałtyi zatrymali 11 čałaviek pa padazreńni ŭ pracy na rasijskija śpiecsłužby