Lotčyk Kuźminaŭ žyŭ u Ispanii pa pašparcie na imia 33-hadovaha Ihara Šaŭčenki
Maksim Kuźminaŭ, jaki byŭ zastreleny ŭ na padziemnaj parkoŭcy ŭ municypalitecie Viljachajosa, zajechaŭ u Ispaniju pad imiem 33-hadovaha ŭradženca Daniecka Ihara Šaŭčenki. U jaho byŭ ukrainski pašpart, vydadzieny 22 vieraśnia 2023 hoda.
22.02.2024 / 13:01
Były rasijski lotčyk Maksim Kuźminaŭ, jaki pierahnaŭ viertalot va Ukrainu, ujechaŭ u Ispaniju ŭ kastryčniku minułaha hoda z sapraŭdnym pašpartam i fiktyŭnym danymi ŭ im. Pa dakumientach, jamu było 33 hady — na piać hadoŭ bolš, čym jamu było na samaj spravie. U Ispanii vydaŭ siabie za ŭciekača z Daniecka.
Fota jaho pašparta apublikavała El Periodico.
Ciapier miascovyja ŭłady čakajuć vynikaŭ bijamietryčnaj ekśpiertyzy, jakuju zapytali jak u Rasiei, tak i va Ukrainie.
Pa danych Mash, Kuźminavu prysvoili danyja zahinułaha ŭ 2014-m sieparatysta «DNR» — Ihara Šaŭčenki, jaki naradziŭsia 15 vieraśnia 1990-ha ŭ Daniecku.
El Periodico piša, što Maksim Kuźminaŭ žyŭ u rajonie Alikante, dzie žyvie šmat ukraincaŭ i rasijan.
Čytajcie taksama:
U Ispanii zabili piłota, jaki pierahnaŭ va Ukrainu rasijski viertalot