Vice-kancler Niamieččyny staŭ prykryvać rot u Bundestahu. Kab dziaržsakrety nichto nie pračytaŭ pa vusnach FOTAFAKT
Z takim pryznańniem Robiert Chabiek vystupiŭ u intervju RND. Apošnim časam 54-hadovaha vice-kanclera i ministra ekanomiki ad partyi «Sajuz 90/Zialonyja» ŭsio čaściej bačać na pasiadžeńniach Bundestaha z prykrytym rukoj rotam.
19.02.2024 / 10:09
Robiert Chabiek i Ołaf Šolc. Fota: Michele Tantussi / Getty Images
Jon robić taki žest, kali razmaŭlaje z kalehami. Naprykład, z kiraŭnikom MZS Analenaj Bierbok ci kancleram Ołafam Šolcam (na fota), piša Bild.
Jak raspavioŭ Chabiek, jon baicca, što toj, chto ŭmieje čytać pa vusnach, moža rasšyfravać toje, što kaža vice-kancler.
Pa słovach ministra, hetamu truku jon navučyŭsia ŭ niamieckaha futbolnaha treniera Jurhiena Kłopa («Livierpul»).
Padčas matčaŭ toj taksama zakryvaje rot, kali daje ŭkazańni hulcam, kab ich nie padhledzieli-padsłuchali.
«Časam treba pakłapacicca ab tym, kab nichto nie moh zrazumieć, što havorać», — skazaŭ vice-kancler.
Čytajcie taksama:
Šolc i Bajden razam paśmiajalisia ź intervju Pucina
Ołaf Šolc pajechaŭ u ZŠA i sustreŭ u Sienacie svajho dvajnika FOTAFAKT
Kłop zaprasiŭ śmiarotna chvoraha Eryksana na adzin dzień uznačalić «Livierpul»