Unačy nieviadomyja ŭ cyvilnym razburyli miemaryjały Alaksieju Navalnamu ŭ Maskvie i rehijonach
Ludzi ŭ cyvilnym adzieńni zapakavali ŭ śmiećcievyja miaški i źnieśli kvietki, jakija prynosili da Maskvareckaha mosta, Ściany płaču i Sałavieckaha kamienia ŭ Maskvie.
17.02.2024 / 09:46
Skrynšot videa
U niekatorych vypadkach heta adbyvałasia pad nahladam palicyi, piša telehram-kanał «Ostorožno, novosti».
Stychijnyja miemaryjały taksama razburyli va Uładzivastoku, Chabaraŭsku, Varoniežy — siłaviki ŭ hety čas pierapisvali źviestki tych, chto pryjšoŭ uskłaści kvietki ŭ pamiać ab Navalnym.
Pra raptoŭnuju śmierć Alaksieja Navalnaha ŭ kałonii «Palarny voŭk» za Paŭnočnym kołam stała viadoma ŭ piatnicu dniom. Hałoŭnamu rasijskamu apazicyjnamu dziejaču było 47 hadoŭ.
Ahułam Alaksiej Navalny, zatrymany 17 studzienia 2021 hoda pa viartańni ź Niamieččyny ŭ Maskvu, byŭ asudžany na 19 hadoŭ i za apošni čas 27 razoŭ traplaŭ u ŠIZA.
Čytajcie taksama:
U kałonii raptoŭna pamior Alaksiej Navalny
«Hadzińnik cikaje». Bajden uskłaŭ adkaznaść za śmierć Navalnaha na Pucina i nahadaŭ pra Ukrainu
U roznych haradach śvietu adbylisia akcyi pamiaci Navalnaha FOTY
«Jon pamior, nie złomleny tyranijaj» — Barak Abama pra śmierć Alaksieja Navalnaha