Biełaruskija ksiandzy źjeździli na čempijanat Jeŭropy pa futbole. Vynik tak sabie
Z 5 pa 9 lutaha ŭ Ałbanii prajšoŭ čempijanat Jeŭropy pa futbole siarod śviataroŭ Futsal 2024. U spabornictvach udzielničali 17 kamand z usioj Jeŭropy, u tym liku ź Biełarusi, paviedamlaje sajt Hrodzienskaj dyjacezii.
15.02.2024 / 22:02
Biełaruskaja kamanda, jakaja składałasia sa śviataroŭ usich biełaruskich katalickich dyjacezij, praŭda, asablivych pośpiechaŭ na hetym niezvyčajnym turniry nie dabiłasia, zaniaŭšy tolki 15-je miesca z 17-ci. Ale hetamu jość apraŭdańnie — jana vystupała nie ŭ macniejšym składzie.
Jak skazaŭ prefiekt Vyšejšaj duchoŭnaj sieminaryi ŭ Hrodnie ksiondz Jan Ramanoŭski, niekatoryja śviatary, jakija nibyta mahli b vielmi dapamahčy kamandzie na hetym čempijanacie, nie mieli mahčymaści ŭdzielničać u im z-za svaich dušpastyrskich abaviazkaŭ.
Pieršaje miesca na turniry zaniała kamanda Charvatyi, druhoje — Polščy, treciaje — Bośnii i Hiercahaviny.
Čytajcie taksama:
Siońnia katoliki pasypajuć hałavu popiełam
U Hrodnie ŭstalujuć fłahštok vyšynioj z Farny kaścioł
Katalicki kaścioł u Biełarusi nie źbirajecca błasłaŭlać adnapołyja pary, choć heta dazvoliŭ Vatykan