Kolišniaj hanarovaj vypusknicy BDU pahražaje da dziesiaci hadoŭ turmy za danaty
Jaje bolš za paŭhoda ŭtrymlivajuć u SIZA.
16.02.2024 / 07:00
Ksienija Chodyrava. Fota ź jaje instahrama
Zatrymanuju kličuć Ksienija Chodyrava. Joj 27 hadoŭ, jana ź Minska. Vučyłasia ŭ škole ŭ minskaj Łošycy, a paśla pastupiła ŭ BDU na fakultet sacyjalnych kamunikacyj (były humfak). Va ŭniviersitecie Ksienija była vydatnicaj i atrymała zvańnie «hanarovy vypusknik BDU». Jaje navat zaprašali na rektarski bal vypusknikoŭ BDU.
Taksama Ksienija razam ź inšymi dziaŭčatami z univiersiteta raspracavała kancepcyju łahatypa turbrenda Biełarusi dla konkursu, jaki abjaŭlała Ministerstva sportu i turyzmu. Prezientacyja taksama była biełaruskamoŭnaj. Praŭda, u vyniku internet-hałasavańnia jany zaniali tolki 10-je miesca.
Łahatyp, jaki rabiła Ksienija ź inšymi dziaŭčynami
Pa raźmierkavańni Ksieniju nakiravali pracavać u Muziej fizičnaj kultury i sportu, jaki znachodzicca ŭ Biełaruskim dziaržaŭnym univiersitecie fizičnaj kultury. Paralelna jana vučyłasia tam u Kłasie Kanfucyja (ciapier — Instytut Kanfucyja) — ustanovie, dzie vyvučajecca kitajskaja mova dy kultura.
Dziaŭčyna viadzie svaje sacsietki amal całkam pa-biełarusku. Taksama jana publikuje biełaruskuju muzyku i knihi dy vodhuki na biełaruskija imprezy — vystavy dy śpiektakli.
Ale badaj samym vialikim zachapleńniem dziaŭčyny byŭ futboł. Jana zaŭzieła za «Krumkačy» i była ŭdzielnicaj KrumkaCheeks — žanočaj amatarskaj kamandy, jakaja treniravałasia i čas ad času pravodziła hulni.
Ksienija Chodyrava. Fota ź jaje instahramu
Apošni post u sacsietkach dziaŭčyny datujecca 1 krasavika 2023. Paśla hetaha jana adusiul źnikła.
Dniami nad joj pačaŭsia sud pa dvuch artykułach — «finansavańnie ekstremisckaj dziejnaści» dy «finansavańnie abo inšaje zabieśpiačeńnie vajny». Pa apošnim joj pahražaje da dziesiaci hadoŭ turmy. Imavierna, dziaŭčynu ŭtrymlivajuć u SIZA-1 Minska.
Čytajcie taksama:
Maładuju mieniedžarku EPAM, jakaja viarnułasia z Hruzii, buduć sudzić za «finansavańnie vajny»
Kaho sadziać za danaty, a kamu dazvalajuć adkupicca. Voś jakaja łohika
Ja achviaravaŭ u fondy. Jak zrazumieć, što ja ŭ niebiaśpiecy?