U Homieli pačynajecca sud nad hramadziankaj Ukrainy, jakuju abvinavačvajuć u špijanažy
U Homielskim abłasnym sudzie 15 lutaha na zakrytym pasiadžeńni pačniecca sud nad hramadziankaj Ukrainy Natallaj Zacharanka i Łarysaj Krupa.
15.02.2024 / 10:47
Zacharanka abvinavačvajuć u špijanažy na karyść Ukrainy pavodle art. 358 KK, a jaje znajomuju ŭ niedaniasieńni ab złačynstvie (č. 2 art. 406 KK). Spravu pryznačany razhladać sudździa Anatol Sotnikaŭ, piša «Viasna».
Hetaja historyja atrymała ahałosku jašče na pačatku lipienia minułaha hoda, kali žycharka Čarnihava Natalla Zacharanka źnikła pa darozie ŭ biełaruski Mazyr, dzie žyvie jaje siastra. Da pačatku rasijskaj ahresii pradprymalnica Natalla časta jeździła ŭ Homiel handlavać na miascovym rynku.
Tryvohu zabiła dačka žančyny: numary i kantakty maci paśla pierasiačeńnia polska-biełaruskaj miažy stali niedasiažnyja, a aficyjnyja orhany maŭčali.
Jak paviedamlali ŭkrainskija miedyja, Natalla źjaŭlałasia vałanciorkaj, paśla pačatku vajny pieravoziła ŭ ES i Biełaruś ukrainskich uciekačoŭ, pieradavała dakumienty i leki. Viadoma taksama, što Zacharanka jeździła ŭ Biełaruś na ŭłasnym aŭtamabili.
Nazad ukrainka źbirałasia jechać 21 lipienia — i źnikła.
Siońnia Natalla Zacharanka, jakoj pahražaje da 15 hadoŭ pazbaŭleńnia voli, adznačaje svoj dzień naradžeńnia.