Завуча з Бярозаўкі, якую затрымлівалі на вачах шакаваных вучняў, звольнілі
Завуча СШ №1 г. Бярозоўка Алу Чуйко звольнілі з працы пасля таго, як знайшлі падпіскі на незалежныя каналы, пішуць лідскія праваабаронцы.
14.02.2024 / 15:31
Па інфармацыі канала, завуч Ала Чуйко зарэкамендавала сябе як прыхільніца Лукашэнкі, была ў камісіі на рэферэндуме 2022 года, і яе збіраліся паставіць у камісію цяпер на выбары дэпутатаў.
Але калі яе пачалі правяраць на лаяльнасць рэжыму і падпіскі ў сацсетках, то знайшлі падпіскі на дэмакратычныя каналы і затрымалі 30 студзеня. Жанчыну затрымлівалі на вачах у шакаваных вучняў.
Жанчыне далі штраф 30 б.в. (1200 рублёў) за захоўванне і распаўсюд «экстрэмісцкіх матэрыялаў».
Чытайце таксама:
Сілавікі затрымалі дзвюх супрацоўніц МТБанка
На Сашу Філіпенку завялі крымінальную справу
Затрымалі вядомага віцебскага відэаблогера Віталя Усціновіча