«Krumkačy» vyrašyli nie zajaŭlacca ŭ pieršuju lihu
Kłub pryniaŭ rašeńnie, što ŭ siezonie-2024 praciahnie hulać u druhoj lizie (heta značyć treci pa značnaści dyvizijonie biełaruskaha futboła).
14.02.2024 / 15:05
football.by
Pa vynikach čempijanatu treciaha dyvizijona ŭ 2023 hodzie «ptuški» zavajavali siarebranyja miedali i atrymali prava ŭdzielničać u pracesie licenzavańnia, nahadvaje football.by.
Dyrektar kłuba Aleh Davidovič skazaŭ, što na siońniašni dzień u kamandy niama minimalna nieabchodnaha biudžetu dla ŭdziełu ŭ pieršaj lizie.
«Niahledziačy na pryvabnaść kłuba jak rekłamnaha brendu, što možna bačyć pa ličbach naviedvalnaści matčaŭ, prodažaŭ i achopaŭ u sacyjalnych sietkach, my atrymali šerah admovaŭ ad supracoŭnictva. Na siońniašni dzień u kłuba niama minimalna nieabchodnaha biudžetu dla ŭdziełu ŭ pieršaj lizie. Ryzykavać isnavańniem kłuba i dapuskać mahčymaje źniaćcie «Krumkačoŭ» pa chodzie siezona ja nie maju prava. Tamu było pryniata składanaje rašeńnie ab udziele ŭ čempijanacie siarod kamand druhoj lihi 2024 hoda», — skazaŭ kiraŭnik kamandy.
Čytajcie taksama:
Bresckaha futbalista zatrymali za suteniorstva. A zaadno i za palityku
Usie futbolnyja kłuby atrymali licenzii na dopusk da vyšejšaj lihi