U Vilni projdzie paetyčny fiestyval «Vieršy na asfalcie»
XII mižnarodny paetyčny fiestyval pamiaci Michasia Stralcova «Vieršy na asfalcie», u jakim tradycyjna biaruć udzieł paety ź Biełarusi i zamiežnych krain, sioleta adbudziecca 16-18 lutaha ŭ Vilni.
13.02.2024 / 23:14
U maštabnaj prahramie fiestyvalu, jaki arhanizoŭvajecca Mižnarodnym sajuzam biełaruskich piśmieńnikaŭ, — abviaščeńnie łaŭreata Litaraturnaj premii Michasia Stralcova i łaŭreataŭ Premii Ciotki, hutarki z paetami i prazaikami Padlašša, litaraturny viečar sučasnaj litoŭskaj paezii ŭ biełaruskich pierakładach, kala dvuch dziasiatkaŭ prezientacyj novych paetyčnych knih i pieršy kancert hurta FILAMATY (supolny kanceptualny prajekt hurta RELIKT i muzyki Uładzia Lankieviča).
Uvachod na ŭsie mierapryjemstvy fiestyvalu volny.
Padčas asnoŭnych imprezaŭ fiestyvalu 17 i 18 lutaha ŭ kłubie «Paviljonas» pracujuć kropki prodažu biełaruskaj knihi, a taksama viadziecca anłajn-tranślacyja ŭ sacyjalnyja sietki prajekta Bellit.info.
Štohadovy Mižnarodny paetyčny fiestyval imia Michasia Stralcova «Vieršy na asfalcie» zapačatkavany ŭ 2012 hodzie Sajuzam biełaruskich piśmieńnikaŭ i Biełaruskim PEN-centram. Sioleta fiestyval arhanizoŭvajecca Mižnarodnym sajuzam biełaruskich piśmieńnikaŭ u partniorstvie sa Šviedskim sajuzam piśmieńnikaŭ, Hiote-Instytutam u vyhnańni, Prahramnaj Radaj tydniovika biełarusaŭ Polščy «Niva» i Biełaruskim PENam.
Prahrama fiestyvalu — pa spasyłcy.
Čytajcie taksama:
Vieršy ŭnikalnaj paetki XX stahodździa vydaduć pa-biełarusku
Kaho ź biełaruskich piśmieńnikaŭ najbolš vydavali za savieckim časam? Nie ŭsich vy viedajecie