Usie futbolnyja kłuby atrymali licenzii na dopusk da vyšejšaj lihi
Značyć, u pieršynstvie vyšejšaj lihi voźmie ŭdzieł 16 kamandaŭ, a nie 15, jak letaś
13.02.2024 / 15:27
Fota: ABFF
Siońnia ŭ Domie futboła adbyłosia pasiadžeńnie kamiteta pa kłubnym licenzavańni ABFF. Na pasiadžeńni byli razhledžany zajaŭki siami futbolnych kłubaŭ: «Tarpieda-BiełAZ», BATE, «Šachcior», «Słuck», «Arsienał», «Isłač» i «Naftan», paviedamlaje ŭ svaim telehramie Biełaruskaja fiederacyja futboła.
Razhlad zajavak hetych kłubaŭ byŭ adkładzieny ŭ suviazi z adsutnaściu asobnych dakumientaŭ pa finansavych kryteryjach.
Pa vynikach pasiadžeńnia kamiteta ŭsie siem futbolnych kłubaŭ dapuščany da ŭdziełu ŭ vyšejšaj lizie.
Čempijanat, vidać, pačniecca ŭ kancy sakavika. Udzieł u im voźmuć 16 družynaŭ.