Načnaja ataka dronaŭ: USU paviedamili pra 23 źbityja bieśpiłotniki z 31
Asnoŭny ŭdar pryjšoŭsia na Adeskuju i Charkaŭskuju vobłaści.
10.02.2024 / 08:54
Rasija ŭ noč na subotu atakavała Ukrainu 31 udarnym bieśpiłotnikam typu Shahed-136/131, 23 ź ich byli źbityja, zajavili Pavietranyja siły USU.
«Da adbićcia pavietranaha napadu byli pryciahnutyja padraździaleńni zienitnych rakietnych vojskaŭ, mabilnych ahniavych hrup Pavietranych sił i Sił abarony Ukrainy, srodki radyjoelektronnaj baraćby. U vyniku bajavoj pracy źniščanyja 23 «šachiedy» ŭ miežach Adeskaj i Charkaŭskaj abłaściej», — havorycca ŭ zvodcy vajskoŭcaŭ.
U chodzie ŭdaru pa Charkaŭskaj vobłaści zahinuli siem čałaviek.
U Adeskaj vobłaści, pa słovach śpikiera Sił abarony poŭdnia Ukrainy Natalli Humianiuk, było try chvali napadaŭ, u vyniku jakich paciarpieli čatyry čałavieki.
Čytajcie taksama:
U Charkavie «Šachiedy» trapili ŭ AZS: harać 14 pryvatnych damoŭ, zahinuli siem čałaviek