Фінляндыя пакуль не думае адкрываць мяжу з Расіяй
Памежныя пункты на ўсходняй мяжы Фінляндыі і Расіі закрытыя з сярэдзіны снежня. Сёння гэтае рашэнне працягнулі да 14 красавіка, піша Yle.fi.
08.02.2024 / 15:07
На расійска-фінскай мяжы. Фота: Steffen Trumpf/picture alliance via Getty Images
Урад прыняў рашэнне, што пункты перасячэння сухапутнай мяжы паміж Фінляндыяй і Расіяй застануцца закрытымі да 14 красавіка.
Акрамя таго, на наземных пунктах пропуску паміж Фінляндыяй і Расіяй нельга будзе падаць заяву аб прадастаўленні міжнароднай абароны. Рашэнне было прынята сёння на пасяджэнні Дзяржаўнай рады Фінляндыі.
У прэс-рэлізе Міністэрства ўнутраных спраў гаворыцца, што ў гэтай сітуацыі гэта неабходна і суразмерна, бо міністэрства лічыць, што гаворка ідзе пра сур'ёзную пагрозу нацыянальнай бяспецы і грамадскаму парадку, выкліканай з'явай інструменталізаванай іміграцыі.
Чытайце таксама:
У Фінляндыі закрыюць школы з навучаннем на рускай мове
Фінляндыя працягнула закрыццё мяжы з Расіяй яшчэ на месяц
У Фінляндыі зафіксавалі самую нізкую тэмпературу ў XXI стагоддзі. У краіне адмяняюць цягнікі