Minabarony raspaviało pra novuju zbroju ŭ armii
Letaś na ŭzbrajeńnie było pryniata bolš za 70 roznych uzoraŭ uzbrajeńnia i techniki. Najbolš znakavymi pastaŭkami va Uzbrojenyja ciły zjaŭlajucca ŭdarnyja viertaloty Mi-35M, rakietny kompleks U-300 «Pałanez-M», apieratyŭna-taktyčny rakietny kompleks «Iskander-M», zienitny rakietny kompleks «Tor-M2», raspavioŭ namieśnik ministra abarony Andrej Fiedzin.
04.02.2024 / 12:03
Taksama Fiedzin paviedamiŭ płany pa ŭzbrajeńni Uzbrojenych sił na biahučy hod.
«U biahučym hodzie arsienał Uzbrojenych sił papoŭnicca nastupnymi ŭzorami ŭzbrajeńnia: avijacyjnyja voinskija čaści papoŭniacca viertalotami Mi-35M, vojski supraćpavietranaj abarony — zienitnymi rakietnymi kompleksami «Tor-M2», — skazaŭ jon.
U suchaputnyja vojski pačniecca pastaŭka madernizavanych tankaŭ T-72BM2. U siły śpiecyjalnych apieracyj praciahniecca pastaŭka madernizavanych bronietransparcioraŭ BTR-70MB.
Raźviedka atrymaje biełaruski kompleks manitorynhu pavietranaha stanovišča «Rahnieda». U vojska buduć pastaŭlacca bieśpiłotniki i srodki ich padaŭleńnia.
«U ramkach dośledna-kanstruktarskich rabot płanujem pryniaćcie na ŭzbrajeńnie madernizavanaha zienitna-rakietnaha kompleksu Buk-MB2, bronietransparciora V-2, udarnaha bieśpiłotnaha avijacyjnaha kompleksu «Čekan», — asabliva adznačyŭ namieśnik ministra.
Jadziernuju zbroju ŭ Biełarusi Fiedzin nazvaŭ asimietryčnym adkazam na dziejańni susiedziaŭ.
Čytajcie taksama:
Biełaruskija vajskoŭcy projduć navučańnie ŭ Rasii pa «ŭkrainskich lakałach»
NATA čakaje napadu Rasii praź Biełaruś užo ŭ pačatku 2025 — Bild
Čamu Ukraina nie atakavała Biełaruś u adkaz na zapuski rakiet i navošta «addaje naležnaje» Łukašenku