U Kitai vialikija pandy pierastali ličycca vidam, jaki vymiraje
Mižnarodny sajuz achovy pryrody pamianiaŭ status bambukavych miadźviedziaŭ z takich, «jakija znachodziacca pad pahrozaj źniknieńnia», na «ŭraźlivych», piša «Zialony partał».
03.02.2024 / 17:30
Papulacyja vialikich pandaŭ u dzikaj pryrodzie pavialičyłasia z 1980-ch hadoŭ z 1100 da amal 1900 žyvioł, adznačyli ŭ Dziaržaŭnym upraŭleńni lasnoj i stepavaj haspadarki KNR.
Dla taho, kab hetaha dasiahnuć, Kitaj sfarmavaŭ sistemu abarony bambukavych miadźviedziaŭ, realizavaŭšy šerah klučavych ekałahičnych prajektaŭ. Tak, u 2021 hodzie ŭ pravincyi Syčuań stvaryli Nacyjanalny zapaviednik vialikich pandaŭ, u jakim žyvie asnoŭnaja častka dzikich žyvioł.
U viedamstvie dadali, što suśvietnaja papulacyja vialikich pandaŭ, jakija žyvuć u niavoli, dasiahnuła 728 asobin.
U zaaparkach pa-za miežami Kitaja ciapier utrymlivajucca 56 bambukavych miadźviedziaŭ, jakija znachodziacca ŭ dobrym stanie.
Čytajcie taksama:
ZŠA zastajucca biez pandaŭ. Kitaj zabiraje ŭsich nazad
«Panda-dypłamatyja»: troch pandaŭ z zaaparka Vašynhtona adpravili ŭ Kitaj