«Zakryčała tak, što ŭ Minsku było čuvać». Śpiavačku Bjanku sprabavali skraści ŭ centry Maskvy
Jana zajaviła, što mužčyna z «tvaram Čykaciła» pahražaŭ joj pałkaj i chacieŭ siłkom zapichnuć u mašynu.
03.02.2024 / 15:09
38-hadovaja biełaruska Taćciana Lipnickaja (sapraŭdnaje imia Bjanki) raskazała Shot, što ŭčora kala 18:00 pajechała na manikiur. Kali ŭžo padyšła da sałona, da jaje padbieh nieznajomiec z pałkaj i zahadaŭ sadzicca ŭ aŭto.
Jana zakryčała tak, što «ŭ Minsku było čuvać», paśla čaho «vykradalnik» spałochaŭsia i ŭciok. Pa apisańni śpiavački, mužčyna byŭ vysokim — kala dvuch mietraŭ, u ciomnym puchaviku, a tvaram byŭ padobny na Čykaciła.
Ciapier advakat śpiavački vyrašaje, ci buduć jany padavać zajavu ŭ palicyju.
Sama Bjanka źviarnułasia pa dapamohu da psichołaha, bo ciapier nie adčuvaje siabie ŭ biaśpiecy i baicca adna vychodzić na vulicu.
Bjanka (Taćciana Lipnickaja) — R&B-śpiavačka, aŭtar piesień, muzyčny pradziusar, tancoŭščyca i televiadoŭca. Adna ź pieršych vykanaŭcaŭ R&B u Rasii. Jaje muzyčnaja karjera pačałasia ŭ 2003 hodzie paśla supracoŭnictva z prajektam «Siaroha», dziela jakoha jana admoviłasia pradstaŭlać Biełaruś na konkursie «Jeŭrabačańnia». Asnovaj stylu źjaŭlajecca sumieś amierykanskaha urbanu z ruskim pop-fołkam ź jaho prypieŭkami i falkłornymi matyvami.
Čytajcie taksama:
Jak źmianiłasia śpiavačka Bjanka FOTA