Журналісты даведаліся, хто пераканаў Орбана дапамагчы Украіне
Спатрэбілася шматмесячнае абаянне з боку прэм'ер-міністра Італіі Джорджы Мелоні і гасціннасць Эманюэля Макрона, каб прымусіць прэм'ер-міністра Венгрыі Віктара Орбана пагадзіцца падтрымаць адпраўку дапамогі Украіне ў памеры 50 мільярдаў еўра.
03.02.2024 / 07:59
Фота: Geert Vanden Wijngaert / AP
Мелоні вяла размовы з Орбанам дзякуючы іх даўнім адносінам, сказалі два дыпламаты з краін, якія не падзяляюць яе правых палітычных поглядаў. «Яна некалькі разоў спрабавала стаць сувязным звяном, і складваецца ўражанне, што гэтым разам гэта спрацавала», — сказаў Politico адзін з дыпламатаў.
Орбан, нарэшце, здаўся за сняданкам з кіраўніком Еўракамісіі Урсулай фон дэр Ляен, канцлерам Нямеччыны Олафам Шольцам, прэзідэнтам Францыі Эмануэлем Макронам і прэм'ер-міністрам Італіі Джорджыяй Мэлані.
Пастанова, прынятая на саміце ў Брусэлі ў чацвер, была ключавой для лідараў ЕC, якія хацелі прадэманстраваць падтрымку Украіне, адначасова паказаўшы, што яны здольныя стрымаць вета Венгрыі. Орбан неаднаразова пагражаў прымяніць тактычнае вета па шырокаму колу еўрапейскіх пытанняў, каб узяць грошы ў ЕС.
Выступаючы на сустрэчы ў чацвер, лідары падкрэслілі, што, хоць угода без удзелу Венгрыі магчымая, для Расіі гэта будзе сігналам аб адсутнасці еўрапейскага адзінства.
«Сёння ў горадзе толькі адно шоу, і гэта з удзелам 27 чалавек»,-заявіў прэм'ер-міністр Нідэрландаў Марк Рутэ ў чацвер раніцай перад аб'явай аб угодзе.