U FRH 200 tysiač pasažyraŭ siońnia nie siaduć na svoj rejs praz zabastoŭku aeraportaŭ
Prafsajuz Ver.di damahajecca pavyšeńnia zarpłaty dla piersanału aeraportaŭ, jaki adkazvaje za kantrol pasažyraŭ i bahažu. Ad adnadzionnaj zabastoŭki pacierpiać nie mienš za 200 tysiač pasažyraŭ, admieniać 1100 rejsaŭ, piša DW.
01.02.2024 / 10:48
Foto: Matthias Balk / dpa / picture alliance
U Niamieččynie ŭ čaćvier, 1 lutaha, budzie skasavana nie mienš za 1100 avijarejsaŭ, praz što paciarpiać blizu 200 tysiač pasažyraŭ.
Zabastoŭka projdzie ŭ 11 aeraportach krainy: Frankfurcie-na-Majnie, Hamburhu, Bierlinie, Dziusieldorfie, Kiolnie, Štutharcie, Bremienie, Hanoviery, Lejpcyhu, Drezdenie i Erfurcie.
U strajku ŭdzielničajuć 25 tysiač supracoŭnikaŭ aeraportaŭ, jakija ažyćciaŭlajuć kantrol pasažyraŭ, bahažu i piersanału. Prafsajuz Ver.di damahajecca pavyšeńnia zarpłaty na 2,80 jeŭra ŭ hadzinu, pavyšeńnia słužbovych nadbavak i dapłat za zvyšuročnyja, pracu nočču, u vychadnyja i śviatočnyja dni.
Pavodle źviestak BDLS, vykanańnie patrabavańniaŭ prafźviazu pryviało b sioleta da sumarnaha pavieličeńnia vydatkaŭ pradpryjemstvaŭ na 250 miljonaŭ jeŭraŭ. Pieramovy pamiž pracadaŭcami i Ver.di praciahnucca 6 lutaha.
Čytajcie taksama:
Raźjušanyja fiermiery ŭvieś viečar šturmavali parom vice-kanclera Hiermanii
«Preziervatyŭnaja nacyja». Niamiecki vytvorca kantraceptyvaŭ zajaviŭ ab rekordzie prodažaŭ