«Stvaraje atmaśfieru ŭsiodazvolenaści». Minčuka asudzili na 2,5 hoda «chatniaj chimii» za ŭdzieł u akcyi pratestaŭ
U sudzie Savieckaha rajona Minska 18 śniežnia 2023 hoda asudzili Mikitu Kavaleŭskaha pavodle č. 1 art. 342 (arhanizacyja i padrychtoŭka dziejańniaŭ, što hruba parušajuć hramadski paradak, abo aktyŭny ŭdzieł u ich) Kryminalnaha kodeksa. Sudździa Volha Jemialjančanka pryznačyła Mikitu dva hady i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»), piša «Viasna».
31.01.2024 / 17:36
Minčuka abvinavacili va ŭdziele ŭ akcyi pratestu ŭ 2020 hodzie i vychadzie na prajeznuju častku. Jon całkam pryznaŭ vinu. Mužčynu apaznali pa videazapisie z akcyi pratestu ŭ jahonym telefonie i pa danych ab jahonym miescaznachodžańni ad mabilnaha apieratara. A taksama ŭ Mikity znajšli bajku z kapturom, u jakoj jon byŭ na mitynhu.
Pavodle sudovaj pastanovy, «ździejśnienaje abvinavačanym złačynstva stvaraje atmaśfieru ŭsiodazvolenaści».
Paśla abviaščeńnia prysudu mužčynu vyzvalili ŭ sudovaj zale.
Mikita Kavaleŭski maje vyšejšuju adukacyju, biespracoŭny.
Čytajcie taksama:
SK raspavioŭ, kolki čałaviek asudzili za «sprobu sarvać» refierendum 2022 hoda
Palitviaźniu dali piać hadoŭ kałonii za 21-dalaravy danat Pałku Kalinoŭskaha. Jon pryjechaŭ z ZŠA
Bolš za 200 čałaviek trapili pad pieraśled padčas masavaha rejdu siłavikoŭ na svajakoŭ palitviaźniaŭ