Nachabny buchhałtar u Brahinskim rajonie za 14 hadoŭ skraŭ 180 tysiač rubloŭ
Pryčym škoda kampiensavana ŭsiaho na dźvie tysiačy rubloŭ.
31.01.2024 / 13:02
Ilustracyjnaje fota «Naša Niva»
Zhodna z materyjałami spravy 47-hadovy viadučy buchhałtar sietki «Farmacyja» sa śniežnia 2008 hoda pa lipień 2022 hoda, vykarystoŭvajučy techničnyja, prahramnyja i prahramna-aparatnyja srodki, unios zahadzia iłžyvyja źviestki i zapisy ŭ aficyjnyja elektronnyja dakumienty — apłatnyja daručeńni i dadatki da ich.
U vyniku jon naličyŭ sabie i inšamu supracoŭniku, jaki nie viedaŭ ab ździajśnianym złačynstvie, zarobak, avansy i inšyja płaciažy zvyš ustanoŭlenaha taryfu.
Usiaho buchhałtar skraŭ z raźlikovaha rachunku apteki kala 182 tysiač rubloŭ, patraciŭšy na asabistyja patreby.
U chodzie papiaredniaha rasśledavańnia pryčynienaja aptecy škoda kampiensavana ŭsiaho na 2 tysiačy rubloŭ.
Abvinavačvańnie pahadzilisia z kvalifikacyjaj zroblenaha pa č. 4 art. 210 Kryminalnaha kodeksa. Pa hetym artykule možna prysieści na 12 hadoŭ.
Čytajcie taksama:
Žančyna schitryła i 13 hadoŭ atrymlivała dapłatu da zarobku ad 100 da 800 rubloŭ
Zahadčycaj muzieja ŭ Baranavičach pryznačyli śpiecyjalistku zusim ź inšaj śfiery