У Ждановіцкім сельсавеце выявілі шаленства. Хворая казуля прыйшла на падворак — з ёй кантактавалі і людзі, і жывёлы
19 студзеня ў вёсцы Крыжоўка зарэгістравалі шаленства ў казулі. Жывёла выйшла з лесу і, патрапіўшы на ўчастак, была атакаваная сабакамі.
31.01.2024 / 12:27
Гаспадары змаглі адагнаць сабак і затым вырашылі адвезці жывёлу ў спецыялізаваны ветэрынарны пункт у Маладзечне, паведамляе pristalica.by.
У тым пункце казуля «апала», піша выданне.
З гэтай прычыны яна была адпраўлена на аналізы, якія і выявілі шаленства.
Спецыялісты арганізавалі працу па вакцынацыі і рэвакцынацыі сабак, якія кантактавалі з казуляй, каб выключыць магчымасць інфікавання.
Ветэрынары таксама праводзяць рэйды па вёсцы для ўдакладнення абстаноўкі і прафілактыкі хатніх жывёл, піша выданне.
Чытайце таксама:
У тыктоку захапляюцца мінчуком, які едзе ў метро з трусікам. Але не ўсё так адназначна
Расійская чыгунка пасля гібелі ката Твікса зменіць правілы перавозкі хатніх жывёлаў