Kaniec historyi. Traktary na MTZ pierastanuć farbavać u sini koler
Minski traktarny zavod zaviaršyŭ pierachod na novaje kolerafakturnaje rašeńnie, jakoje stała adzinym dla ŭsioj liniejki traktaroŭ Belarus.
31.01.2024 / 08:11
Było. Telehram-kanał MTZ
Raboty pačalisia ŭ 2019 hodzie. Ciapier usie madeli sieryjnaha vykanańnia vypuskacca ŭ čyrvonym kolery. Čornymi zastalisia kabina, častki ablicoŭvańnia i asobnyja detali typu kranštejnaŭ i macavańniaŭ.
Budzie. Telehram-kanał MTZ
«Pierš za ŭsio, pierad nami stajała zadača prybrać šmatkolernaść. Pieravahaj čyrvonaha koleru my žadajem pakazać, što naš traktar prosty ŭ ekspłuatacyi. Akramia taho, monakoler ekanamična bolš apraŭdany. Nu i, viadoma, čaho chavać: raniej čorny astoŭ kamuflavaŭ nie zaŭsiody vysokuju jakaść vykanańnia. Čyrvony ž koler demanstruje novy ŭzrovień arhanizacyi vytvorčych pracesaŭ i kančatkovaha pradukta», — rastłumačyŭ telehram-kanału pradpryjemstva načalnik adździeła dyzajnu Andrej Zabałotny.