Byłoha palitviaźnia i žurnalista z Drahičyna Siarhieja Hardzijeviča aryštavali na 15 sutak
Byłoha karespandenta niezaležnaha sajta «Pieršy Rehijon» zatrymali 24 studzienia.
29.01.2024 / 15:49
Suprać jaho skłali pratakoł pavodle art. 19.11 KaAP za repost u sacyjalnych sietkach publikacyi z sajta «Hancavicki čas».
Jak paviedamlaje BAŽ, 26 studzienia ŭ sudzie Drahičynskaha rajona razhladzieli spravu Siarhieja. Sudździa Julija Kuksa pryznała jaho vinavatym i asudziła da 15 sutak aryštu.
Pry hetym sudździa nie pryniała da ŭvahi toje, što ŭ Siarhieja značna pahoršyłasia zdaroŭje: jon straciŭ prytomnaść i vymušany byŭ nieadnarazova źviartacca da daktaroŭ.