«Ja harantuju vam». Biełaruś, niahledziačy na harantyi Łukašenki, parušyła damovu pa pastaŭkach tralejbusaŭ u Novasibirsk
Z abiacanych da kanca 2023 hoda 120 biełaruskich tralejbusaŭ u Novasibirsk pastupili 95. Reštu čakajuć da krasavika.
29.01.2024 / 12:09
Pra prablemy z pastaŭkami biełaruskaha transpartu piša vydańnie atas.info. 120 tralejbusaŭ pavinny byli dastavić pa kantrakcie ŭ Novasibirsk ź Biełarusi jašče da kanca 2023 hoda. Ale na kaniec studzienia jość tolki 95.
Akramia tralejbusaŭ, jość zatrymka i z tramvajami. Ich pastupiła šeść ź dziesiaci. Da sakavika čakajuć reštu.
Jak paviedamiŭ karespandentu mer Novasibirska Aleh Klemiešaŭ, pa daručeńni hubiernatara, była navat arhanizavana kamandziroŭka ŭ Minsk, «pierahavaryli jak pa tramvajach, tak i pa tralejbusach».
«MAZ» i «BKM» svaje abaviazacielstvy buduć vykonvać», — skazaŭ Klemiešaŭ.
26 červienia 2023 hoda hubiernatar Novasibirskaj vobłaści Andrej Traŭnikaŭ na naradzie pa rehijanalnaj prahramie abnaŭleńnia haradskoha tralejbusnaha parku zajaviŭ, što da kanca hoda Novasibirsk atrymaje 120 novych tralejbusaŭ. Pry hetym jon padkreśliŭ, što «z boku finansavańnia zatrymak niama».
10 kastryčnika Alaksandr Łukašenka na sustrečy z Traŭnikavym u Minsku zajaviŭ, što ŭ Biełarusi jość mahčymaść dapamahčy rasijskamu subjektu vyrašyć prablemy z abnaŭleńniem parka pasažyrskaha transpartu i inšaj techniki.
«Ja harantuju vam, što ŭsie našy damoŭlenaści buduć biezumoŭna vykanany, prytym jakasna i ŭ termin», — zajaviŭ Łukašenka.
Čytajcie taksama:
U Sankt-Pieciarburhu adbyłosia novaje zdareńnie ź biełaruskim aŭtobusam, paciarpieli piać čałaviek
U Sankt-Pieciarburhu znoŭ zhareŭ aŭtobus MAZ
MAZ abiacaje novym rabotnikam dobry hrašovy bonus. Ale nie ŭsim