Pieršyja humanoidnyja robaty-pracaŭniki źjaviacca na zavodzie BMW
Kampanija BMW zaklučyła pieršuju ŭ svaim rodzie ŭhodu ab «pracaŭładkavańni» na adnym sa svaich zavodaŭ humanoidnych robataŭ. Robaty, jakija raspracavany, kab być bolš hnutkimi ŭ ekspłuatacyi, čym tradycyjnyja pramysłovyja robaty, pavinny buduć dapamahać aŭtavytvorcu ŭ roznych častkach vytvorčaha pracesu.
28.01.2024 / 19:44
Vyjava: FigureAI
Robaty, pra jakich idzie havorka, byli raspracavanyja kalifarnijskaj robatatechničnaj firmaj FigureAI i apisvajucca jak prydatnyja da «ahulnych metaŭ» — heta aznačaje, što ich možna vykarystoŭvać dla luboj kolkaści fizičnych zadač. Dvuchnohi robat Fihura 01, pra jakoha my raskazvali nie tak daŭno, byŭ upieršyniu prademanstravany publicy kala hoda tamu. Jon maje rost 168 sm, važyć 59 kh i maje ruki ź piaćciu palcami.
Na YouTube-kanale kampanii jość niekalki videa z demanstracyjaj zdolnaściaŭ Fihury. Tak, na adnym videa robat hatuje kavu, a na druhim adnosna chutka chodzić pa pakoi.
Fihura 01 hatuje kavu z dapamohaj kava-mašyny
Tym nie mienš, nie zusim jasna, što nasamreč buduć rabić boty na zavodzie BMW. U adpaviednym pres-relizie havorycca ab «razhortvańni humanoidnych robataŭ u aŭtamabilnaj vytvorčaści» i śćviardžajecca, što robaty buduć skancentravany na «ciažkich, niebiaśpiečnych abo stamlalnych zadačach», pieradaje Gizmodo. Pakul hučyć davoli raspłyvista.
Dalej u pres-relizie havorycca, što ŭ ramkach pieršaha etapu ŭhody dźvie kampanii buduć pracavać razam, kab «vyznačyć pieršapačatkovyja varyjanty vykarystańnia dla prymianieńnia robataŭ Figure u vytvorčaści aŭtamabilaŭ».
Paśla taho, jak dźvie firmy kančatkova vyznačacca z tym, što moža rabić Figure 01, niekatoryja z botaŭ buduć razhornuty na adnym z vytvorčych pradpryjemstvaŭ BMW u horadzie Spartanburh u Paŭdniovaj Karalinie.
Fihura 01 pakazvaje majstar-kłas u chadžeńni
Technałahičnyja kampanii va ŭsim śviecie ŭ ciapierašni čas zmahajucca za stvareńnie pieršaha pakaleńnia «humanoidnych» robataŭ. U toj čas jak robaty dapamahali na zavodach i składach na praciahu mnohich hadoŭ, čałaviečy form-faktar, jak miarkujecca, maje šmat dadatkovych pieravah dla bolš składanaj pramysłovaj pracy. Viadoma, heta vyklikała i vyklikaje aściarohi, što robaty ŭrešcie adbiaruć šmat pracoŭnych miescaŭ ludziej. Hienieralny dyrektar Figure śćviardžaŭ, što jaho kampanija nie zacikaŭlenaja ŭ adbirańni pracoŭnych miescaŭ u ludziej — ale, viadoma, było b dziŭna pačuć ad jaho niešta inšaje.
Čytajcie taksama:
Startap Figure apublikavaŭ pieršyja foty svajho ŭniviersalnaha humanoidnaha robata
Ludzi chutka stanuć niepatrebnyja. Novy składski robat Digit vykonvaje zvyčajnyja hałasavyja kamandy
U Chielsinki na vulicach źjavilisia robaty, jakija dapamohuć dastaŭlać kaladnyja padarunki