Cichanoŭskaja abmierkavała ź ministram zamiežnych spraŭ Litvy prablemy biełarusaŭ u hetaj krainie
Ministr zamiežnych spraŭ Litvy Habryelus Łandśbierhis pryniaŭ u siabie biełaruskuju demakratyčnuju lidarku Śviatłanu Cichanoŭskuju. Pavodle paviedamleńnia pres-słužby Cichanoŭskaj, palityki abmierkavali situacyju ź lehalizacyjaj biełarusaŭ u Litvie, a taksama mahčymyja novyja abmiežavańni, jakija majuć abmiarkoŭvacca ŭ litoŭskim Siejmie ŭviesnu.
23.01.2024 / 20:37
Fota: pres-słužba Śviatłany Cichanoŭskaj
Padčas sustrečy Cichanoŭskaja skazała, što razumieje zaniepakojenaść Litvy ŭ pytańniach biaśpieki i ŭ suviazi z patencyjnymi pahrozami z boku režymu, ale vykazała spadziavańnie, što Litva ŭsio ž praciahnie vydavać biełarusam vizy i dazvoły na žycharstva. Taksama jana padkreśliła, što nielha ŭraŭnovać abmiežavańni suprać biełarusaŭ i rasijan, bo heta tolki idzie na karyść režymu Łukašenki.
Pierad hetym Litva pryniała rašeńnie praciahnuć termin dziejańnia litoŭskich humanitarnych dazvołaŭ na žycharstva dla biełarusaŭ z adnaho da troch hadoŭ. Cichanoŭskaja pry nahodzie padziakavała ministru za padtrymku biełaruskaj hramadzianskaj supolnaści, a taksama biełarusaŭ, jakija znachodziacca ŭ Litvie.
Čytajcie taksama:
Na vilenskich mohiłkach Rosy ŭšanavali Kalinoŭskaha i paŭstancaŭ. Padniali i biełaruski ściah FOTY
Čamu Cichanoŭskaja nie sustrełasia ź Zialenskim u Davosie?
Cichanoŭskaja sustrełasia ź ministram zamiežnych spraŭ Ukrainy