На беларуска-польскай мяжы затрымалі лекі ад дыябету на 570 тысяч рублёў
Усяго было знойдзена 378 упаковак лекаў для дыябетыкаў Ozempic, якія знаходзіліся ў багажніку легкавога аўтамабіля.
23.01.2024 / 11:58
Паводле звестак Дзяржаўнага мытнага камітэта, прэпарат спрабаваў правезці ў Расію беларус пад выглядам тавараў для асабістага карыстання.
Арганізатарам схемы быў 56-гадовы грамадзянін Расіі, які «раздаваў» лекі ў Польшчы розным фізічным асобам. Кантрабанду перавозілі пад выглядам тавараў для асабістага карыстання.
У пошуку такіх фізічных асоб быў задзейнічаны 54-гадовы берасцеец. Ён жа забіраў і захоўваў Ozempic па месцы свайго жыхарства.
Распачатая крымінальная справа.