Stała viadomaja čarhovaja data, kali biełarusku majuć zapuścić u kosmas
Rasijskaja dziaržaŭnaja karparacyja «Raskosmas» abviaściła novuju datu startu kaśmičnaha karabla «Sajuz MS-25». 21 sakavika na arbitu maje vypravicca ekipaž z troch čałaviek: kasmanaŭt «Raskosmasa» Aleh Navicki (uradženiec Biełarusi), biełaruska Maryna Vasileŭskaja i astranaŭtka NASA (ZŠA) Trejsi Dajsan.
19.01.2024 / 18:45
Pieršapačatkova palot byŭ zapłanavany na vosień 2023 hoda, ale paśla jaho pieranieśli na viasnu 2024 hoda «praź niaštatnuju situacyju». Pieršapačatkova pačatak ekśpiedycyi pryznačaŭsia na 13 sakavika.
Płanujecca, što palot Maryny Vasileŭskaj i Aleha Navickaha praciahniecca 12 sutak: jany viernucca na Ziamlu na «Sajuzie MS-24», jaki ciapier prystykavany da MKS, razam z amierykankaj Łorał O'Chara.
Maryna Vasileŭskaja, jakuju vybrali dla palotu na MKS, z 2017 hoda pracuje bortpravadnicaj u avijakampanii «Biełavija». U śniežni 2022 hoda jana paśpiachova prajšła vyprabavańni na centryfuzie, dzie pieraniesła vaśmirazovuju pierahruzku.
Čytajcie taksama:
Biełarusku adpravili ŭ hadavy palot na Miesiac. Ale jość niuans
Što viadoma pra pieršuju biełaruskuju kasmanaŭtku Marynu Vasileŭskuju