NATA: Treba rychtavacca da taho, što ŭ nastupnyja 20 hadoŭ pačniecca vajna z Rasijaj
Na nastupnym tydni aljans pačynaje maštabnyja vučeńni Steadfast Defender 2024, u jakich voźmuć udzieł kala 90 tysiač vajskoŭcaŭ.
19.01.2024 / 08:19
Bryfinh Roba Baŭera 18 studzienia 2024 hoda. Fota: Virginia Mayo / AP
Staršynia vajennaha kamiteta NATA, niderłandski admirał Rob Baŭer, zajaviŭ, što krainam aljansu nie varta ličyć samo saboj zrazumiełym, što jany pradoŭžać žyć u miry, tamu im treba rychtavacca da vajny z Rasijaj, jakaja mocna zakranie zvyčajnych ludziej.
Baŭer havaryŭ z žurnalistami ŭ čaćvier dniom, ale najbolš poŭna jaho vykazvańnia cytuje piatničny numar brytanskaj haziety Daily Telegraph, jakaja vyniesła na pieršuju pałasu zahałovak «NATA papiaredžvaje ab vajnie z Rasijaj u nastupnyja 20 hadoŭ», piša Bi-bi-si.
«My pavinny ŭśviadomić, što tamu, što my žyviem u stanie miru, — heta nie niešta samo saboj zrazumiełaje. I mienavita tamu my rychtujemsia da kanfliktu z Rasijaj. Ale dyskusija značna šyrejšaja. Heta i industryjalnaja baza, i taksama ludzi, jakija pavinny zrazumieć, što jany hrajuć peŭnuju rolu», — skazaŭ Baŭer.
Jon pachvaliŭ šviedskija ŭłady za papiaredžańni hramadzianam, što treba rychtavacca da vajny. «Z hetaha treba pačynać. Z uśviedamleńnia, što nie ŭsio možna spłanavać i nie ŭsio budzie ŭ šakaładzie ŭ nastupnyja 20 hadoŭ», — skazaŭ admirał.
Na nastupnym tydni NATA pačynaje maštabnyja vučeńni Steadfast Defender 2024, u jakich prymuć udzieł kala 90 tysiač vajskoŭcaŭ(u tym liku 20 tysiač brytanskich). Hetyja vučeńni praciahnucca da maja.
Raniej Bild pisaŭ, što Rasija moža atakavać uschodni fłanh krain NATA ŭžo nastupnaj zimoj, u tym liku praź Biełaruś.
Čytajcie taksama:
Zimoj 2024/25 hoda Rasija moža pasprabavać atakavać Jeŭropu — Bild
NATA čakaje napadu Rasii praź Biełaruś užo ŭ pačatku 2025 — Bild
Ministr hramadzianskaj abarony Šviecyi zaklikaŭ suhramadzian «być hatovymi da vajny»