Biełaruś — samaja pažyłaja kraina JEAES
Siaredni ŭzrost nasielnictva Biełarusi ŭ 2023 hodzie skłaŭ 41 hod. A voś u Kyrhyzstanie hety pakazčyk roŭny 28 hadam, piša thinktanks.by.
16.01.2024 / 15:33
Fota: Contributor / Getty Images
Zhodna z demahrafičnym zbornikam, vypuščanym Jeŭrazijskaj ekanamičnaj kamisijaj, siaredni ŭzrost nasielnictva pa krainach Jeŭrazijskaj ekanamičnaj supolnaści (JEAES) raźmierkavany tak:
- Biełaruś — 41,2 hoda.
- Rasija — 40,7.
- Armienija — 37,4.
- Kazachstan — 32,1.
- Kyrhyzstan — 28,3.
Ludzi va ŭzroście ad 65 hadoŭ zajmajuć u našaj krainie dolu ŭ 16,5% nasielnictva. Taki ž pracent pažyłych maje i Rasija. U Kyrhyzstanie hetaja dola składaje 5,4%, u Kazachstanie — 8,5%.
Biełaruś — samaja «žanočaja» kraina. Dola žančyn składaje 53,8%, što vyšej, čym u astatnich krainach. Samaja mužčynskaja kraina — Kyrhyzstan, tut dola mužčyn dachodzić da 49,5%.