Śpievaka Chulia Ihlesijasa zatrymali ŭ aeraporcie z čamadanam ježy
U aeraporcie Daminikanskaj Respubliki zatrymali z čamadanam ježy 80-hadovaha suśvietna viadomaha ispanskaha śpievaka Chulia Ihlesijasa. Supracoŭniki mytni vyjavili ŭ artysta, jaki prylacieŭ z Bahamskich astravoŭ, bolš za 40 kh roznych praduktaŭ, u tym liku miasa, jahady, harodninu i sadavinu.
15.01.2024 / 21:09
Chulia Ihlesijas. Fota: AP Photo/Carlos Giusti
Sanitarnyja normy mnohich krain, u tym liku Daminikanskaj Respubliki, zabaraniajuć uvoz takich tavaraŭ pryvatnymi asobami. Tamu Ihlesijasa zatrymali na niekalki hadzin, a paźniej źmieściva jahonaha čamadana kanfiskavali.
Da ŭrehulavańnia situacyi musili padklučycca ŭłady Daminikanskaj Respubliki. Urešcie zorku adpuścili.
Na parušeńni mytnych pravił śpievaka łoviać nie ŭpieršyniu, adznačaje vydańnie Dominican Today.
Chulia Ihlesijas — adzin z najviadomiejšych ispanamoŭnych vykanaŭcaŭ u śviecie. U jahonaj dyskahrafii dziasiatki albomaŭ. Jon łaŭreat šmatlikich premij, u tym liku «Hremi», jamu pryśviečana zorka na halivudskaj «Alei słavy».
Čytajcie taksama: