U časie ataki na aeradrom «Saki» zahinuŭ namieśnik kamandzira šturmavoha avijacyjnaha pałka — ukrainskija ŚMI
U časie ŭdaru Uzbrojenych sił Ukrainy pa vajskovym aeradromie «Saki» kala Jeŭpatoryi byŭ likvidavany padpałkoŭnik armii RF Alaksandr Čarnabryvy. Hety rasijski abjekt byŭ atakavany USU ŭ noč z 5 na 6 studzienia.
14.01.2024 / 12:59
Pra hibiel namieśnika kamandzira 43-ha asobnaha marskoha šturmavoha avijacyjnaha pałka paviedamiŭ aficer USU Anatol Štefan «Šcirlic».
Heta rasijskaje padraździaleńnie znachodzicca ŭ składzie Čarnamorskaha fłotu RF i dysłakujecca na aeradromie «Saki». Połk maje samaloty Su-30SM i Su-24M.
Pablizu Jeŭpatoryi ŭ akupavanym Krymie ŭviečary 5 studzienia prahrymieła kala 10 vybuchaŭ. Byŭ atakavany vajenny aeradrom «Saki» ŭ Navafiodaraŭkie. U vyniku hetaj ataki byŭ źniščany punkt kiravańnia, pišuć ukrainskija ŚMI.