Ceny na strachoŭku dla zamiežnych aŭto ŭ Biełarusi pavialičyli ŭ razy
Źmianilisia pamiery abaviazkovych strachavych uznosaŭ dla zamiežnych aŭto, jakija ŭjazdžajuć u Biełaruś. Pastanova Saŭmina apublikavanaja na Nacyjanalnym pravavym internet-partale.
13.01.2024 / 13:37
Dziejańnie dakumienta raspaŭsiudžvajecca na transpart z krain, ź jakimi ŭ Biełaruskaha biuro pa transpartnym strachavańni nie zaklučany pahadnieńni ab supracoŭnictvie.
Novyja ceny ŭstupiać u siłu praź miesiac paśla aficyjnaha apublikavańnia, heta značyć 13 lutaha 2024 hoda.
Na niekatoryja pazicyi ceny padskočyli adrazu ŭ niekalki razoŭ. Usie jany apłačvajucca ŭ jeŭra, piša Tochka.by.
Ahlad cen
Tak, strachoŭka lehkavoha aŭtamabila na 15 dzion kaštuje ciapier €25 (było €17). Miesiac abyjdziecca ŭ €48, a raniej było tolki €25. Pry afarmleńni dakumienta na hod, cana vyrasła bolš čym u try razy — z €84 da €274.
Dla hruzavych aŭtamabilaŭ i traktaroŭ padaražańnie jašče bolšaje. Na 15 dzion suma vyrasła z €9 da €66. Miesiac strachoŭki kaštuje €127 (było €17). A na hod cana vyrasła amal u vosiem razoŭ-z €96 da €723.
U mienšaj stupieni strachoŭka vyrasła dla matacykłaŭ. Usiaho na €1 padaražeŭ 15-dzionny pieryjad i ciapier kaštuje €3. U miesiac sydzie €6, a nie €4. Hod ciapier kaštuje €33, a nie €24, jak było raniej.