Zastałasia tolki kožnaja treciaja krama «Buślik»
Kolkaść kramaŭ «Buślik» u Biełarusi praciahvaje skaračacca. Uvosień kampanija paviedamlała, što ŭ sietki bolš za 40 kram, a ŭ studzieni 2024-ha ich zastałosia ŭsiaho 14.
11.01.2024 / 13:06
Fota: Jandeks-karty
Jak vyśvietliŭ Office Life, na kaniec pieršaj dekady studzienia ŭ sietcy dziciačych kram pracavała 14 kramaŭ. U kantakt-centry kampanii paviedamili, što vosiem ź ich znachodziacca ŭ Minsku.
Kramy «Buślik» jość užo nie va ŭsich abłasnych centrach — u Breście, naprykład, sietka bolš nie pracuje. U hetaj vobłaści zastałasia tolki adna krama ŭ Pinsku. Pa adnym handlovym punkcie jašče adkryty ŭ Mahilovie, Homieli i Hrodnie, dva — u Viciebsku.
U 2023 hodzie ŭ sietki «Buślik» u Biełarusi pačalisia prablemy. Jaje vyručka padała na praciahu ŭsiaho hoda. U I kvartale apieratar sietki — kampanija «DPM» — źniziŭ vyručku da anałahičnaha pieryjadu 2022-ha na 13,6%, u II kvartale — na 12%.
A za III kvartał vyručka sietki ŭ afłajnie źniziłasia na 27,5%, a ŭ anłajnie — na 64%.
U kastryčniku polski inviestar sietki — kampanija CDRL — paviedamiŭ pra «stratu kantrolu» nad daččynaj kampanijaj u Biełarusi i pahrozu jaje bankructva. U CDRL taksama zajavili ab śpisańni praterminavanaj debitorskaj zapazyčanaści sietki ŭ pamiery 1,7 młn złotych (bolš za $400 tys.) i prypynieńni dalejšych pastavak tavaraŭ u Biełaruś.
Čytajcie taksama:
Što adbyvajecca z «Buślikam»? Biełaruskija sietki źjadajuć rasijanie
Stała viadoma, što budzie na miescy «Karony» na Instytucie kultury ŭ Minsku
Stała viadoma, dzie ŭ Minsku adkryjecca krama brenda «Łetual»