Eks-hałoŭny doktar Hrodzienskaj abłasnoj balnicy Śviatasłaŭ Savicki zaŭčasna pamior u 61 hod
Śviatasłaŭ Savicki byŭ pulmanołaham-alerhołaham vyšejšaj katehoryi, kandydatam miedycynskich navuk. Jaho pracoŭny staž naličvaŭ amal 40 hadoŭ.
11.01.2024 / 11:34
«Administracyja i kalektyŭ hłyboka smutkujuć ab jaho zaŭčasnaj śmierci i vykazvajuć spačuvańni rodnym i blizkim. Heta vielizarnaja strata dla ŭsich nas. Hety čałaviek byŭ nie tolki talenavitym kiraŭnikom, ale i vydatnym čałaviekam, jaki zaŭsiody byŭ hatovy dapamahčy i padtrymać svaich kalehaŭ. Jaho prafiesijanalizm i addanaść spravie byli nieacennyja dla našaj kliniki», — adznačyli kalehi Śviatasłava Savickaha ŭ niekrałohu.
Śviatasłaŭ Savicki byŭ doktaram pulmanołaham-alerhołaham vyšejšaj katehoryi, kandydatam miedycynskich navuk.
Naradziŭsia ŭ 1962 hodzie ŭ vioscy Charužava Vaŭkavyskaha rajona. U 1985 hodzie na vydatna skončyŭ Hrodzienski dziaržaŭny miedycynski instytut. Jaho staž pracy ŭ miedycynie składaŭ amal 40 hadoŭ.⠀
Zajmaŭ pasadu hałoŭnaha doktara Hrodzienskaj abłasnoj balnicy z 2002 pa 2012 hod. Ź lutaha 2014 hoda pracavaŭ dacentam kafiedry ŭnutranych chvarob Hrodzienskaha miedycynskaha ŭniviersiteta.
Aŭtar 52 navukovych prac, dźviuch manahrafij i adnaho vynachodncitva.
U apošnija hady Śviatasłaŭ Eduardavič vioŭ kansultatyŭny pryjom pa dyjahnostycy i lačeńni branchijalnaj astmy, sindromu trachieabranchijalnaj dyskiniezii, sindromu abstruktyŭnaha apnoe snu, piša «Hazieta Słonimskaja».
Čytajcie taksama:
U Šviejcaryi pamior biełarus z pałka «Pahonia». Mierkavana, jaho źbili afrykanskija mihranty