U Minsku buduć sudzić nieludzia, jaki skinuŭ kata ź dziaviataha paviercha
Śviedkami złačynstva byli małyja dzieci, što znachodzilisia na hulniavoj placoŭcy.
11.01.2024 / 10:13
Ilustracyjnaje fota
Prakuratura Leninskaha rajona Minska nakiravała ŭ sud kryminalnuju spravu pa abvinavačvańni 39-hadovaha mužčyny ŭ žorstkim abychodžańni z žyviołaj, što paciahnuła jaje hibiel.
Niećviarozy mužčyna 12 žniŭnia skinuŭ z bałkona kvatery, raźmieščanaj na dziaviatym paviersie, na prajeznuju častku darohi kata, jakoha raniej padaryli jaho žoncy.
Žyvioła zahinuła.
Śviedkami zdareńnia stali žychary doma, u tym liku małyja dzieci, jakija znachodzilisia ŭ toj momant na hulniavoj placoŭcy.
Raniej mužčyna nieadnarazova pryciahvaŭsia da kryminalnaj adkaznaści, maje nie źniatuju i nie pahašanuju sudzimaść.
Dziejańni abvinavačanaha kvalifikavanyja pa artykule 339-1 (č. 1): žorstkaje abychodžańnie z žyviołaj. Heta karajecca hramadskimi pracami, abo štrafam, abo papraŭčymi rabotami na termin da adnaho hoda, abo aryštam.
Čytajcie taksama:
U Viciebsku asudzili žančynu, jakaja adsiakała hałovy katam
U Minsku piensijanierka vykinuła kata z bałkona. Žyvioła zahinuła, a žančynie dali štraf