Затрыманая ў Польшчы агентка КДБ раней была порнаактрысай
Выданню Reform.by удалося даведацца некаторыя дадатковыя падрабязнасці пра затрыманую ў Польшчы Дар'ю Астапенку, якая падазраецца ў супрацы з КДБ. І гэтыя падрабязнасці даволі пікантныя.
10.01.2024 / 22:06
Фота, апублікаванае ў выданні Intex-press
У канцы 2022 года ўраджэнка Баранавіч дала інтэрв'ю мясцоваму выданню Intex-press. Там яна прызнавалася, што быць яркім у Баранавічах «маральна складана».
«Мяне заўсёды прыцягвала яркая і незвычайная знешнасць. Яшчэ будучы падлеткам, я ўвесь час фарбавала валасы ў яркі колер, заплятала сабе дрэды і сенегальскія коскі, адчувала слабасць да татуіровак… у нас дзіка неталерантныя і нетактоўныя людзі. Шэры натоўп, заўважыўшы кагосьці яркага і незвычайнага, тут жа бярэцца яго абмяркоўваць, тыцкаць у яго пальцам, а бывае, і абразіць», — падзялілася жанчына з аўтарам артыкула.
Дар'і тады яшчэ было 35 гадоў і яна дазволіла апублікаваць выданню яе фота. Таксама яна расказала, што зрабіла першую татуіроўку ў 23 гады, а затым «запаўняла» сваё цела ўсё новымі і новымі малюнкамі.
Дзякуючы татуіроўкам, у сетцы Дар'ю можна апазнаць па фота ў самых розных сітуацыях — яна спрабавала сябе ў даволі жорсткім порна, праяўляла сябе на OnlyFans, прапаноўвала эскорт-паслугі.
Фота профіля на OnlyFans
Наколькі сур'ёзна яна займалася гэтым бізнэсам, меркаваць складана, але, напэўна, на яе актыўнасць у сеціве маглі звярнуць увагу не толькі журналісты, але і сілавікі.
У Беларусі здымка ў порна ці прастытуцыя — крымінальна каральная дзея. Нават публікацыя такіх фота і відэа можа стаць падставай для рэпрэсій. Таму, як мяркуе Reform.by, Дар'я магла быць вельмі ўразлівая для вярбоўкі.
Чытайце таксама:
Стала вядома, што за беларуску арыштавалі ў Польшчы за працу на КДБ
У Польшчы затрымалі беларуску, якая даносіла КДБ на беларускую дыяспару
«Прадмет для асуджэння і кпінаў». Як жывецца ў правінцыі людзям з яркай знешнасцю