Paśla masavych zatrymańniaŭ u Instytucie raślinavodstva ŭ Ščučynie pamianiali dyrektara
Užo były dyrektar Hrodzienskaha zanalnaha Instytuta raślinavodstva Nacyjanalnaj akademii navuk Biełarusi ŭ Ščučynie Siarhiej Šeŭčyk bolš nie pracuje va ŭstanovie. Krynica vydańnia Hrodna.life śćviardžaje, što jaho źniali paśla masavych zatrymańniaŭ va ŭstanovie.
08.01.2024 / 22:36
Siarhiej Šeŭčyk
Siarhiej Šeŭčyk rodam ź vioski Kamienka Ščučynskaha rajona. Jon — śpiecyjalist u halinie raślinavodstva. Kiravaŭ pradpryjemstvam amal šeść hadoŭ.
Jak stała viadoma Hrodna.life, u niejkuju inšuju ŭstanovu Šeŭčyk nie pierajšoŭ. Vierahodna, jon pakul biez pracy.
Novym dyrektaram staŭ Uładzimir Marjanavič Makara, jaki da hetaha byŭ namieśnikam dyrektara pa navukovaj rabocie. Jon kandydat sielskahaspadarčych navuk, dacent.
Raniej stała viadoma, što ŭ kastryčniku 2023 hoda ŭ Hrodzienskim zanalnym instytucie raślinavodstva NAN Biełarusi ŭ Ščučynie zatrymali niekalkich supracoŭnikaŭ. Ich pryciahnuli da adkaznaści za raspaŭsiud «ekstremisckich materyjałaŭ» u internecie.
Čytajcie taksama:
Z Hrodzienskaha ŭniviersiteta zvolnili prafiesarku Śviatłanu Marozavu
U Maładziečnie zvolnili režysiora abłasnoha teatra, jaki staviŭ śpiektakl pa Aleksijevič
Na dziaržaŭnyja pradpryjemstvy pryjšli novyja śpisy na represii ad KDB