Jeŭropa ŭ 2023 hodzie skaraciła impart rasijskaha trubapravodnaha hazu bolš čym na 55%
Pastaŭki pryrodnaha hazu ŭ Jeŭropu rasijskim «Hazpramam» u 2023 hodzie skaracilisia ŭ paraŭnańni z 2022 hodam na 55,6%, da 28,3 miljarda kubamietraŭ. Pra heta paviedamiła ahienctva Reuters sa spasyłkaj na źviestki jeŭrapiejskaj hazatranspartnaj hrupy Entsog i štodzionnyja spravazdačy «Hazproma» ab tranzicie hazu praz Ukrainu.
03.01.2024 / 20:27
Fota: Getty Image
Pavodle padlikaŭ, siaredniesutačny trubapravodny ekspart rasijskaha hazu ŭ Jeŭropu ŭ 2023 hodzie źniziŭsia sa 174,8 da 77,6 miljona kubamietraŭ. U padliki nie ŭvachodzić zvadkavany pryrodny haz, pastaŭki jakoha ŭ Jeŭropu ŭ 2023 hodzie, naadvarot, raśli.
Na piku, u 2018-2019 hadach, hadavyja pastaŭki rasijskaha hazu ŭ Jeŭropu dasiahali 175-180 miljardaŭ kubamietraŭ. U 2022-m Rasieja pastaviła ŭ Jeŭropu ahułam kala 63,8 miljarda kubamietraŭ hazu.
Čytajcie taksama:
Hiermanija całkam zamianiła rasijski haz na narviežski
Enierhija ź ziamli: zapracavaŭ praryŭny prajekt Google — hieatermalnaja elektracentral
Vajna va Ukrainie pryniesła vializnyja prybytki naftahazavamu siektaru ZŠA