Кіраўнік МЗС Польшчы: Мы павінны адказаць Пуціну на мове, якую ён разумее
Свет павінен узмацніць санкцыі супраць Расіі і даць Украіне ракеты далёкага радыусу дзеяння пасля масіраванай атакі РФ на Украіну. Пра гэта напісаў міністр замежных спраў Польшчы Радаслаў Сікорскі ў твітары.
03.01.2024 / 10:51
Міністр замежных спраў Польшчы Радаслаў Сікорскі. Фота: Maxym Marusenko / NurPhoto via Getty Images
«Мы павінны адказаць на апошні напад на Украіну мовай, зразумелай Пуціну: узмацніўшы санкцыі, каб ён не мог вырабляць новую зброю з кантрабандных кампанентаў, і даўшы Кіеву ракеты вялікай далёкасці, якія дазволяць яму знішчаць стартавыя пляцоўкі і камандныя цэнтры».
Раніцай 2 студзеня Расія масіравана атакавала Украіну ракетамі. Галоўнакамандуючы УСУ Валерый Залужны паведаміў, што расейцы запусцілі 99 ракет розных тыпаў, з іх 72 атрымалася знішчыць.
Чытайце таксама:
У Севастопалі прагучалі гучныя выбухі
Украіна ў навагоднюю ноч нанесла ўдар па акупаваным Данецку ВІДЭА